Eid Ul Adha essay in Urdu

Hamare Mulk Mein Muskhtalif zaat aur mazhab Ke Log Rahte Hain. Har Saal Ham mukhtalif tehvaron ko Bari Khushi ke sath mnaate Hain. Eid ul Adha in tehwaron Mein Se Ek Hai jisse Ham mukhtalif Naamon se bhi Jante Hain, Eid Ul Azha aur Bakra Eid, yah islam mazhab ka ek khaas tehwaar hai jise Puri Duniya Ke Musalman manate Hain, ISay Qurbani Ka tehwaar bhi Kehate Hain,yeh arbi ka lafz aur iski Murad “Qurbani” se hai. iska matlab Hai “Qurbani ki Eid”. yeh tehwaar Ramzan ke muqaddas mahine ke Ek ikhtamaam ke takriban 70 Din baad manaya jata Hai. Arab Mumalik main ise “Eid Ul Azha” ke naam se Jana jata hai aur Hindustan Mein yah “Bakra Eid” ke naam se Jana Jata Hai, yah Ek bahut baraa Muslim tehwaar hai jo buniyadi Tor pr hazrat Ibrahim A,S ki Sunnat hai jo Hazrat Ibrahim A,S ke Imaan aur Allah Tala pr Unki aqeedat ko Bayaan karti hai. Musalmanon ke Aqeeda ke mutabik Ibrahim A,S ko Apne bete ko zibah karne ka Ek Khwab Aaya lekin unho ne is per Dhyaan nahin diya Jab 3 din tak lagatar Vahi Khwab Aaya to aapko yah mehsoos hua k yakinan yah Khwab Allah Tala hi ki taraf se hai aur Kyunki nabiyon Ke Khwab sacche hi hote hain isliye woh is Baat ke liye Bina Kuchh soche samjhe Allah Tala Ka Hukum samajh kar razi ho gaye.

Agarcha apne bete se bahut pyar karte the lekin Khuda Ke Saath unki aqeedat aur etqaad  Itna Mazboot tha ke unho ne Apne Hi Pyare bete Ismail A,S ki jaan Lene se bhi dareegh nahin kiya, aur jurrat mandana iqdaam aur apne bete ki Qurbani dene per Razi Ho Gaye. Allah Ki Khaatir Apne bete ki Qurbani ke liye Ibrahim A,S ki Raza Mandi Ne Allah Tala ki rahamat ko Josh delaya aur Allah Tala Ne unke Bete Ki Jaan bachane ka sabab Paida Kiya, aur Usi Waqt Ismail A,S ki jagah qurban hone ke liye jibreel A,S ke zariye Qurbani ke liye ek Mendha bheja Ya Allah Tala ki taraf se Ibrahim A,S ke liye ek Inaam tha tarikh islaam k is muqaddas Vakya ki vajah Se Hi Tamam Musalman Har Saal Allah Ki rahamaton Aur maghfirat Ke Liye Hazrat Ibrahim A,S ki Sunnat ke mutabiq Eid ul Adha manate Hain. Eid ul Adha bhi Eid ul Fitr hi Ki Tarah ek muqaddas din hai jo Har Saal duniya bhar Mein Qurbani ke liye Manaya Jata Hai. Eid ul Adha ko Bakra Eid ke naam se bhi Jana jata hai aur yeh Islaam ka dusra eham tehwaar Hai Eid al-adha 10 zil hijja ko Hajj ke mahine Mein us Waqt Hoti Hai Jab Makka mukarrama ke Tamaam azmeen hajj ke wajaat Anjam Dete Hain. Puri Duniya Ke Musalman is Muqaddas Tehwaar eid ul Adha ke liye bharpur tayyari Karte Hain. Tmaam Musalman Qurbani ke liye Janwar khareedty Hain iska Chand 10 Din pahle Dikhai deta hai aur agale 10 din ke baad Eid ul Adha manai Jaati Hai. Sab bahut khush Nazar Aate Hain is Din woh subah swery uthte Hain nahate hain aur behtreen libaas pehanty hain aur Khushboo bhi Lagate Hain.

Log eid Gahon Mein Namaz padhte Hain Namaz sooraj Tuloh hone ke baad Ada ki Ja sakti hai namaz aur KhatuBaat ke ikhtemam pr Musalman Ek dusre ko Gale Lagate Hain aur ek dusre ko Mubarak baad Dete Hain. bahut saray Musalman is mauqe per Apne ghair Muslim doston, padosiyon, Sathi kaarkauno aur ham jamaton ko Apne Eid ke tehwaar per Davat Dete Hain Taaky woh islaam aur Muslim saqafat se behtar tor par waqif Hoon. Har Taraf Khushi aur musarrat ka mahaul rehta hai-

You May Also Like

Leave a Reply

Your email address will not be published. Required fields are marked *