Eid ul Adha in Urdu

Eid ul Adha Ke mauke Par Pakistan aur Puri Duniya Mein Har Musalman Apni ista’at ke mutabiq Qurbani Deta Hai. Qurbani ka maqsad Hazrat Ibrahim A,S aur unke Farzand Hazrat Ismail A,S ki Ata’at khudawandi mein di jaane wali Qurbani Ko khiraaj e tehseen pesh karna hai. Ek Din Hazrat Ibrahim A,S Ne Hazrat Ismail A,S se farmaya ki main ne Khwab Mein Dekha Hai Ki Tumhen zibaah kar raha hun ab tum batao ki Tumhari kya rai hai. Hazrat Ismail A,S Ne farmaya ki aap mujhe sabit qadam Payenge. Jab Hazrat Ibrahim A,S Ne Hazrat Ismail A,S ko zibaah karne ke liye litaya to khuda ki taraf se Awaaz I “Ibrahim tu ne apne khwab ko Sach kar dikhaya ham Ata’at Karne Walon Ko ISI Tarah Jazaa Dete Hain aur Humne iske liye zibaah Azeem ka fadia Diya”.

Mufassareen ka Kehna hai k khuda ki taraf se ek mendha aa Gaya jisse Hazrat Ibrahim A,S ne zibaah Kiya. Hazrat Ismail A,S ki isi Qurbani ki Yaad Mein hazaron Musalman Eid ul Adha manate Hain. yahan sochne Ki Baat yah hai ki kya Qurbani sirf Jaanwar ke Gale par chhuri chalane ka naam hai. Shayad Nahin balki Qurbani ka asal maqsad yah hai ki Ham Apne nafs aur apni ghalat khwaahishaat per chhuri chalayein. Apne aap ko Raah e raast par laein aur Qurbani ka maqsad ghareeb,nadaar,musteheq, yateemon,bewaaon ko Khushi Ka mauqa baham pohnchana Hai. Qurbani ka Gosht Aise afraad Mein taqseem Kiya jata hai jo zindagi Ki museebaton Mein girftaar Hain aur Apne bacchon Ko Munaasib khana Dene Ke Bhi Kabil Nahin.

Eid ul Adha Hamein yah Dars Bhi deti hai ke musalmanon per Jab Kabhi kara Waqt Aaye, Sab yaqjaan Ho Kar surat e Haal ka Muqabala Karein gay. Hum Apne Pyare Nabi Sallallahu Alaihi Wasallam ki Hidayat ke mutabik zindagi Basar Kareinge Takay Allah Pak aur Nabi Paak Sallallahu alayhi wasallam ki khushnudi Hasil kr sakein. Kuch ahadees mubarka mein aap S.a.w.w ne Irshaad farmaya ki yom ul aKhar (daswein zil hijja) mein ibn e aadam ka koi amal Khuda Ke nazdeek khoon Bahane (yaani Qurbani Karne) Se zyada Pyara Nahin aur woh Janwar Qayamat k din Apne Seeng, Baal aur Khuron ke saath aega aur Qurbani ka Khoon Zameen Par Girne se Kabal Khuda K nazdeek Kabul ho jata hai.

lihaza ise Kush Dili se karo (abu dawood’tirmizi) sahaba e kraam ne arz ki ya Rasulullah Sallallahu Alaihi wa alehi wasallam!yeh qurbaniyan kya hain farMaya Tumhare Baap Ibrahim A,S ki Sunnat Hai. Logon Ne arz ki Ya Rasool Allah Sallallahu Alaihi walehi wasallam Hamare liye ismein kya sawab hai? Farmaya Har Baal ke barabar NeKi Hai, arz ki oon ka kya Hukum Hai?farmaya oon ke her baal Ke Badle Mein Bhi Neki hai.(ibn e Maja) hazrat Abdullah ibne Umar Razi Allah Hu anha farmate Hain Ki Huzoor Akram S.a.w.w Madina Shareef Mein 10 Saal Rahe Aur Is arse Main aap ne Har Saal qurbani farmai(tirmizi) huzoor Sallallahu Aleh Wasallam Ne farmaya ki Jisne Khush dili se Talib sawab hokar qurbani ki woh Aatish Jahanum se Hijaab (rok) ho jaega!

You May Also Like

Leave a Reply

Your email address will not be published. Required fields are marked *